روحي الفي لقاك
روحي الفي لقاك طمعت و زاد تأميله
قنعت من هواك و عرفت لقاك مو هيله
يا ست البنات الكنتي لي خليله
ما في قسمتي ... ودع هواك الليلة
ودعت السمح العمرو ما غلطني
ودعت الجميل السيسبان المتني
ودعت النديم النفسه زي الجني
ودعت الحبيب اليه بكتب اغني
ودعتك خلاص فارق هواك الليلة
يا السمحة ام قوام تشبه جدي الريلة
يا ام العيون الينا كنتي قبيلة
ما بنصبر وراك و الجرسة فيكي قليلة
No comments:
Post a Comment