الليلة حول ودعتو

الزول السمح الما حصل سالمتولا مديتلو ايد .. لا بي كعب ونستوما خالفتو يوم .. لا اصلو يوم زعلتورحل روح خلاص و الليلة حول ودعتو

انا حبي ليك ممنوع

ما أصلوا من اول كان الكلام مقطوع

علي قدر ما بقدر فكرت في الموضوع

بينت لي ريدي و حاولت كم إسبوع

لحدي ما قالت انا حبي ليك ممنوع

أنا

انا ياني النعيم الانت سبتو مشيت

انا ياني الكريم الليك كم سويت

انا ياني الحبيب الفيك كم غنيت

انا ياني الفراق ان طبت ول ابيت

الاقدار

ما ترميها في الاقدار اذا ما ناوي انت تسيب

ما تدسي خلف القسمة و لا قولة ده كلو نصيب

صحيح القسمة ليها ادوار و قدري بعرفوا ما بيخيب

الا براك انت البعت بعد ما كنت لي قريب

يوم لاقيت عيونك

يوم لاقيت عيونك و بالغرام ملكني

حاولت الصبر الا الحروف غلبتني

كلمتك عديييل.. قت ليك إتي تمني

لكن الظروف غدارة .. ما خدمتني

18-05-2020

لمن شفتك

عندما وقعت عيناي عليك لأول مرة بعد كل تلك الفترة 

لم ينتفض قلبي ولم تتسارع أنفاسي كما كنت اخشي ،،

كنتي شخص اخر لا احمل له في قلبي الا باقي الذكريات و الألم الذي يعتصرني 

 عندما تمرين علي خاطري .. 

لم استرق النظرات إليك خلسة كما كنت افعلها سابقا ..

وهذا ما جعلني أتيقن بانك شخص اخر ..

لم تأسرني ابتسامتك و  لم أبالي بجمال عيناك التي لم انظر اليها خلسة منذ سنة تقريبا .. 

لم تكوني حبيبتي التي ابتعدت عني و فارقتني... رغم انه كانت بعض ملامحك  تذكرني بها ... 

الا انك لست هي  .. حبيبتي ذهبت بلا عودة 

عودك

عودك عود اراك في الخضرة زاهي و باهي 

و عينك عين جدي  عاملالنا  محن و  دواهي

رب العزة خلقك  زينة و بي الجمال تتباهي 

يحفظ الله من عين الحسود و الساهي

١٨/١١/٢٠١٩

لساني فصيح

لساني فصيح و شعر الفارغة ما باريتو

و كل الببقي في وصف الحبيب سويتو

إلا لا وصف شَعروا لا سرح في جِيدو

لا قبْلتوا  و لا في اشعاري يوم ضميتو

العام الجديد ٢٠٢٠

أستقبل العام الجديد و كلي أمل في ان أتقبل واقع انكِ لست معي و لن تكوني لي بعد ابداً ،،،

...،،

سراب الروح 

زرعتك في سراب روحي سقيتك من دماء  عروقي  ملحتك بي بكاء عيونيحصدت الوجعة و الآهات 

في ذكري ميلادها

لا يهمني كم بلغت من العمر ...

ولم اهتم به من قبل .. كل ما كان يشغل بالي ان أكون جزء من بقية عمرك وان تشاركيني بقية عمري ..

مشتاق

يا زولة مشتاق ليك 

قدر الله خلق الشوق 

وزع تلت للناس 

و ادني تلتين ليك

يا زولة

يازولة زي شهقة نفس 

بتنفسك كل يوم جديد 

يا ريدة ما أظن ابتدت 

و لا حتي  ممكن يوم  تموت

*يا سمحة أكتر من خيالك *

يا نايرة زي لون القمح 

يا واحة في عز الهجير

يا حب منابعه من القلب 

و بيجري في جسدا حرير

يا حلوة زي عنب الكروم 

سكران عيونك ما بنوم

يا زينة ما شبه البنات 

ولا حتي زيك يوم بكون

*يا روح مقسمة في جواي *

سمحات بسيماتك معاي

و انا فيك و ليك و منك بكون 

يا زولة زي شهقة نفس 

بتنفسك  كل يوم جديد 

تديني احساس بالامل 

منك معاك و انا ليك اكون 

يا ريدة ما أظن ابتدت 

و اكيد تاني ما بتكون 

بتمني

بتمني انسي هواك 

و ما اشوفك يوم تاني 

يا احلي روح و جمال 

يا  ارق الحاني

حلمك

حلمك القلتيهو لي صار معلق في خيالي

قصة العشاء و الشموع لبسك الثوب المثالي 

لمعة الحب الكبير ظاهره في عيونك تلالي

 لون لهب شمع الأماسي وفي عيونك انعكاسي

صوتك الرنان يدوزن لي صباح يوما جديد لي كاسي 

تطلع الكلمات حروفها في فؤادي تكون مراسي 

اسرق النظرات تجاهك و ابتسم و تضحك حواسي

حلمك القلتيهو لي ده الكلام الكنت داسي 

و لِسَّه عندي انا ليك غيرو حاسي ...الا داسي 

كنت بحلم بيك معاي و في حياتي تكوني اُنسي

أتنفسك في كل دقيقة و بينا طفل الريدة يمشي 

حتي ان غابت عيوني لي ظروفي تكوني همسي

كنت بحلم بيك معاي و خطوة خطوة العمر نمشي

الا ضاع املي و رجاي و خاب كتير ظني و هواي

عشت بعدك عمر قاسي و نومي بي أنات  ملاذي

اكثر من أحببتك

يوما ما ستعلم اني اكثر من أحببتك 

وًانا انا اكثر من كان بقربك و قد حذرتك 

و ستعرف انك من دوني لا شي و اني كنتك

و ستدرك يوما ما اني موجود و ان ابعدتك

٢٥ ديسمبر

الليلة عيد ميلادو

كل سنة وأنت طيب..
كنت ببارك ليك مباشرة طول السنوات الماضية لكن السنة دي مافي طريقة ...

كل سنة وأنتي زي ماعايزة تبقي
و كل أحلامك حقيقة .. معاكي طفل الريدة يمشي
و تبقي احسن كل يوم و ما تعرفي للهموم
و ليك يصبح كونا اجمل و بي وجودك يبقي أفضل

- زول كان قريب منك .. 

روحي ألفي لقاك

روحي الفي لقاك

روحي الفي لقاك طمعت و زاد تأميله

قنعت من هواك و عرفت لقاك مو هيله

يا ست البنات الكنتي لي خليله 

ما في قسمتي ... ودع هواك الليلة

ودعت السمح العمرو ما غلطني 

ودعت الجميل السيسبان المتني

ودعت النديم النفسه زي الجني

ودعت الحبيب اليه بكتب اغني

ودعتك خلاص فارق هواك الليلة 

يا السمحة ام قوام تشبه جدي الريلة

يا ام العيون الينا كنتي  قبيلة

ما بنصبر وراك و الجرسة فيكي قليلة

لو ...

الزول لو بريدك ما بختي دربك اصلو 

و ان كان حب حقيقي السيف ما بفصلو 

الا الفات بلاك خلاك ليالي تنظروا 

ما كان ليك بريد بركة الختاك و افتحلوا

أنساك

بقدر أنساك و أفوت دربك

و لا يمكن في  يوم ارجع ليك 

يا الدخلت سواي في قلبك 

اعرف أنى  ما بغفر ليك